స‌మ్మ‌ర్‌లో సెట్స్ పైకి చిరు- కొర‌టాల చిత్రం

koratala siva director with chiranjeevi
koratala siva director with chiranjeevi

ర‌చ‌యిత నుండి ద‌ర్శ‌కుడిగా మారి కేవ‌లం క‌మ‌ర్షియ‌ల్‌గానే కాకుండా మంచి సందేశం ఉన్న సినిమాల‌ని తీస్తూ ప్రేక్ష‌కుల‌ని ఫుల్ ఎంట‌ర్‌టైన్ చేస్తున్న ద‌ర్శ‌కుడు కొర‌టాల శివ. ప్ర‌స్తుతం చిరంజీవి సినిమాకి సంబంధించిన స్క్రిప్ట్ ప‌నుల‌తో బిజీగా ఉన్నాడ‌ట‌. ఈ మూవీ కూడా సందేశాత్మ‌క విలువ‌ల‌తో కూడిన చిత్రంగా ఉంటుంద‌ని స‌మాచారం. అయితే ఈ చిత్రం ఎప్పుడు సెట్స్ పైకి వెళుతుందా అనే దానిపై అభిమానుల‌లో సందిగ్ధం నెల‌కొన‌గా, సినీ వర్గాల సమాచారం ప్రకారం ఈ వేస‌వి నుండి స్టార్ట్ కానుంద‌ని తెలుస్తుంది.

చిరు ప్ర‌స్తుతం సురేంద‌ర్ రెడ్డి ద‌ర్శ‌క‌త్వంలో సైరా మూవీ చేస్తుండ‌గా, ఫిబ్ర‌వరి లోపు ఈ ప్రాజెక్ట్ కంప్లీట్ అవుతుంద‌ట‌. ఆ వెంట‌నే కొర‌టాల టీంతో క‌లిసి వాణిజ్య విలువ‌ల‌తో పాటు మంచి సందేశం ఉన్న సినిమాని తెలుగు ప్రేక్ష‌కుల‌కి అందించ‌నున్నాడు చిరు . ఈ సినిమాలో కథానాయికలుగా ఎవరికి ఛాన్స్ దొరకనుందనేది ఆసక్తికరంగా మారింది. కొర‌టాల‌- చిరు సినిమాకి కూడా రామ్ చ‌ర‌ణ్ నిర్మాత అని అంటున్నారు. మైత్రి మూవీ మేక‌ర్స్‌తో క‌లిసి చ‌ర‌ణ్ ఈ చిత్రాన్ని రూపొందించ‌నున్నాడ‌ని స‌మాచారం.